Saturday 9 July 2016

ंतप्रधान मोदी दक्षिण आफ्रिका दौर्‍यावर

पंतप्रधान नरेंद्र मोदी काल रात्री दक्षिण आफ्रिकेत पोहाचले. नरेंद्र मोदी सध्‍या चार आफ्रिकी देशांच्‍या दौर्‍यावर आहेत. नरेंद्र मोदी दक्षिण आफ्रिकेत पोहोचताच आंतरराष्ट्रीय संबंध आणि सहकार मंत्री आणि लघुद्योग मंत्री यांनी त्‍यांचे स्‍वागत करण्‍यात आले. त्‍यानंतर मोदी यांनी राष्‍ट्रपती जकैब जुमा यांची भेट घेतली.भारत आणि दक्षिण आफ्रिका यांच्‍यामध्‍ये आर्थिक संबंध आणखी दृढ होण्‍यासाठी हा दौरा महत्त्‍वपूर्ण आहे.विदेश मंत्रालयाचे
प्रवक्‍ते विकास स्‍वरुप यांनी 'इतिहास के कदमों पर. प्रधानमंत्री नरेंद्र मोदी अपने आफ्रिकी दौरे के दुसरे चरण मे प्रिटोरिया पहुंचे,' असे मोदी प्रिटोरियात पोहोचल्‍यानंतर ट्‍विट केले आहे. या दौर्‍यादरम्‍यान, नरेंद्र मोदी दक्षिण आफ्रिकामध्‍ये प्रिटोरिया, जोहान्‍सबर्ग, डरबन आणि पीटरमारिट्‍जबर्ग या शहरात दौरा करणार आहेत. विशेषकरुन जोहान्‍सबर्ग येथील भारतीयांसाठी मोदी भाषण करणार आहेत. त्‍यानंतर पीटरमारिट्‍जबर्ग स्‍टेशनहून मोदी रेल्‍वेहून प्रवास करणार आहेत. याच मार्गावर महात्‍मा गांधी यांनी प्रवास केला होता. कॉस्‍टिच्‍युशनल हिल आणि नेल्‍सन मंडेला फौंडेशन येथे आयोजित एका कार्यक्रमाला मोदी उपस्‍थित राहणार आहेत. तसेच उपराष्‍ट्रपती सायरिल  रामाफोसा यांचीही ते भेट घेणार आहेत. भारतीय वेळेनुसार, रात्री ११ वाजता मोदी भाषण करणार आहेत. दक्षिण आफ्रिकेच्‍या दौर्‍यानंतर पंतप्रधान नरेंद्र मोदी टांझानिया आणि केनियाला या शहरांनाही भेट देणार आहेत.

No comments:

Post a Comment